هەفتەی داهاتوو دەست بە دابەشکردنی شەش مووچەی ئیکرامییەی خانەنشینیان دەکرێت

ئاڤا نیوز

دوای دابەشکردنی مووچەی خانەنشینانی شارستانی، چاوەڕوان دەکرێت هەفتەی داهاتوو شەش مووچەی خانەنشینانی هەولێر و دهۆک دابەش بکرێت. 

چیرۆکی سەرەکی: لە سنووری پارێزگاکانی هەولێر و دهۆک 17 هەزار خانەنشینی نوێ، لەلایەن ئەنجوومەنی وەزیرانی کوردستان ڕەزامەندیی لەسەر خەرجکردنی 57 ملیار و 289 ملیۆن دیناریان هەیە، ماوەتەوە سەر ئەوەی وەزارەتی دارایی ڕێککارەکان تەواو بکات.

لێدوانی فەرمی: سەرچاوەیەک لە وەزارەتی دارایی لەوبارەیەوە بە ئاڤای گوت، "تاوەکو ئێستا پارەکە تەمویل نەکراوە لە وەزارەتی دارایی هەرکاتێک پارەکە تەمویل کرا دەست بەدابەشکردنی دەکرێت، ئەگەر زۆرە بکەوێتە دوای پرۆسەی دابەشکردنی مووچەی مووچەخۆرانی هەرێمی کوردستان."

زانیاریی زیاتر: لە سەرەتای ئەمساڵەوە نزیکەی 17 هەزار فەرمانبەر لە سنووری پارێزگاکانی هەولێر و دهۆک خانەنشین کراون، سەرجەمیان 180 ڕۆژ مۆڵەتی کۆکراوەیان هەیە و شەش مووچەی بنەڕەتی ئیکرامییە دەیانگرێتەوە.