ژمارەی بانکە پسپۆڕییەکانی هەرێمی کوردستان کەمدەکرێنەوە

ئاڤا نیوز

وەزارەتی دارایی هەرێمی کوردستان لە هەنگاوێکی نوێدا، 24 بانکی پسپۆڕی هەڵدەگرێت و سەرجەمیان لێک دەدات، چوار بانک لە چوار پارێزگای هەرێمی کوردستان دادەنرێت. ئەنجوومەنی کارگێڕی بانکی نیشتمانی دیاریکراون و لە ئایندەیەکی نزیک دەکرێتەوە.

وێنە گەورەکە: لە هەرێمی کوردستان‌ 90 بانكی بازرگانی و 26 بانكی پسپۆڕی هه‌ن و پلان بۆ كه‌مكردنه‌وه‌ی ژماره‌یان هه‌یه‌، بەئامانجی کەمکردنەوەی خەرجی و ڕۆتین و کارئاسانی زیاتر بۆ هاووڵاتیان.

لێدوانی فەرمی: جه‌میل ئه‌بوبه‌كر، به‌ڕێوه‌به‌ری گشتیی بانكه‌ پسپۆرییه‌كانی هه‌رێمی كوردستان بە ئاڤای گوت، "29 بانکی پسپۆڕی لە هەرێمی کوردستان هەن، کە بانکی پیشەسازی، کشتوکاڵی، خانووبەرە و نیشتەجێبوون لەخۆدەگرێت، ئەو بانکانە لە چوارچێوەی یەک بانک لەسەر ئاستی پارێزگا کۆدەکرێنەوە، واتا لە هەولێر یەک بانکی پسپۆڕی دەبێت، هەر چوار بەشی خانووبەرە، کشتوکاڵ، پیشەسازی و نیشتەجێبوون لەخۆدەگرێت."

ڕوون نییە ژمارەی بانکە بازرگانییەکان دەکرێن بە چەند، بەڵام بە ئەگەری زۆرەوە لەهەر پارێزگایەک دوو بۆ سێ بانک دەمێننەوە و ئەوانی دیکە هەڵدەوەشێنرێنەوە.

زانیاریی زیاتر: سەبارەت بە ڕێکارەکانی دامەزراندنی بانکی نیشتمانی، به‌ڕێوه‌به‌ری گشتیی بانكه‌ پسپۆرییه‌كانی هه‌رێمی كوردستان ئاماژەی بەوەدا، کە ئێستا لیژنەیەک بەدوای بینایە و شوێنی گونجاو دەگەڕێت بۆ بانکەکە، هاوکات ئەنجوومەنی کارگێڕی بانکەکە پێکهێنراوە و نۆ کەس لەخۆدەگرێت.