کەللەسەری پلیاسۆرێک دەچێتە کتێبی گینسەوە

ئاڤا نیوز

 

ئێسکە پەیکەری کەلـلەی سەری گیاندارێکی دەریایی کە لە کەناراوەکانی جوراسیک لە بەریتانیا دۆزراوەتەوە، لە ناو کتێبی گینس تۆمار دەکرێت. 

 

ئەوەی پێویستە بیزانیت: پلیاسۆر ئەژدیهایەکی دەریاییە و هاوشێوەی دایناسۆرەکان قەبارەیەکی گەورەی هەبووە و درێژییان گەیشتووەتە 12 مەتر، ئەم کەللـەسەرە کە دۆزراوەتەوە 2 مەتر درێژە و لە کەناری دۆرسێت لە ناوچەی شوێنەواریی جوراسیک لە بەریتانیا دۆزراوەتەوە. کەللەسەرکە لە گینس تۆمار کراوە، چونکە "تەواوترین"ـی لەو جۆرەیە کە تاوەکو ئێستا دۆزرابێتەوە. 

 

زانیاریی زیاتر: تەمەنی ئەم کەللـەسەرە بۆ 150 ملیۆن ساڵ لەمەوپێش دەگەڕێتەوە و ئەمەش واتە 3 ملیۆن ساڵ گەنجترە لە هاوشێوەکانی کە پێشتر دۆزراونەتەوە. 

 

ئەمەش بزانە: شارەزایان لەو باوەڕەدان کە ئەو کاتانەی دایناسۆرەکان سەر ڕووی زەوییان کۆنترۆڵ کردبوو، پلیاسۆرەکان ناو زەریاکانیان کۆنترۆڵ کردبوو.