پرسی شایستە داراییەکانی جووتیاران دەبردرێتە ئەنجوومەنی وەزیرانی عێراق

ئاڤا نیوز

بڕیارە خەرجکردنی شایستە داراییەکانی جووتیاران لە کۆبوونەوەی ئەنجوومەنی وەزیرانی عێراق باس بکرێت، دوای ڕەزامەندی گووژمەیەکی دیکە بۆ جووتیاران خەرج دەکرێت.

وێنە گەورەکە: پێنج مانگە جووتیارانی هەرێمی کوردستان، گەنمیان ڕادەستی سایلۆکان کردووە، بەڵام بەشێکی کەمی جووتیارانی هەرێمی کوردستان شایستە داراییەکانیان خەرج کراوە، نزیکەی 240 ملیار دیناری جووتیارانی هەرێمی کوردستان لای حکومەتی عێراق ماوە.

لێدوانی فەرمی: نەوزاد شێخ کامیل، بەڕێوەبەری گشتیی بازرگانی لە وەزارەتی بازرگانی و پیشەسازی بە ئاڤای گوت، "پرسی ناردنی بەشێکی دیکەی شایستە داراییەکانی گەنمی جووتیاران پەیوەستە بە ئەنجوومەنی وەزیران بڕیارە لە کۆبوونەوەی سبەی ئەنجوومەنی وەزیرانی عێراق بڕیار لەسەر خەرجکردنی بڕێکی دیکە بدرێت، پشکی هەرێمی کوردستانیش دەنێردرێت."

ئەمەش بزانە: ئەمساڵ نزیکەی 400 هەزار تۆن گەنم لە جووتیارانی هەرێمی کوردستان وەرگیراوە، بڕەکەی زیاترە لە 310 ملیار دینار، تاوەکو ئێستا تەنیا 72 ملیار دینار بۆ جووتیاران خەرجکراوە.