هاوکاریی دارایی هاوپەیمانان بۆ پێشمەرگە بۆ مانگی 10 دابەش دەکرێت

ئاڤا نیوز

وەزارەتی پێشمەرگە لە ڕاگەیێنراوێکدا ئاماژە بەوەدەدات، کە هاوکاریی دارایی هاوپەیمانان بۆ مانگی 10 خراوەتە سەر هەژماری دارایی وەزارەت و سبەی دەست بە دابەشکردنی دەکەین، 97٪ـیان بە هەژماری من هاوکارییەکە وەردەگرن.

 

وێنە گەورەکە: هاوپەیمانان تاوەکو 01-01-2026، مانگانە هاوکاریی دارایی بۆ لیوا هاوبەشەکانی پێشمەرگە دابین دەکەن، بۆ مووچەی مانگی 10 زیاتر لە 70 هەزار ئەفسەر، پلەدار و پێشمەرگە سوودمەند دەبن.

 

ڕاگەیێنراوی فەرمی: وەزارەتی پێشمەرگە لە ڕاگەیێنراوێکدا ئاماژە بەوەدەدات، هاوکارییەکە ڕۆژی سێشەممە خراوەتە سەر هەژماری وەزارەت و ئەمڕۆ چوارشەممە لەلایەن بەڕێوەبەرایەتى گشتى بوودجە و بەرنامەکان (ژمێریاریى سەربازى) دەست دەکرێت بە ئەنجامدانی ڕێکارە دارایی و ژمێریارییەکان بۆ تەواوکردنی ئامادەکارییەکان و بۆ ئەم مەبەستەش ڕۆژی پێنجشەممە بەرواری 06-11-2025، دەست بە دابەش کردنی دەکرێت.

 

زانیاریی زیاتر: لەم مانگەدا، زیاتر لە 97٪ ئەفسەر و پلەدار و پێشمەرگە لەڕێگەی پڕۆژەی هەژماری من هاوکاریی هاوپەیمانان وەردەگرن، ئەوانەی تریش لە رێگەی سیستەمی بانکیەوە هاوکارییەکەیان پێدەدرێت.