دەیان هەزار ئیسرائیلی دژی نەتانیاهۆ خۆپێشاندان دەکەن

ئاڤا دیجیتاڵ

لە تێلئەڤیڤی پایتەختی ئیسرائیل و چەند شارێکی دیکەی ئەو وڵاتە، دەیان هەزار کەس خۆپیشاندانی فروانیان دژی سیاسەتەکانی نەتانیاهۆ لە شەڕی غەززە و گفتوگۆکانی  ئازادکردنی بارمتەکان کرد. 

چیرۆکی سەرەکی: دوای بڵاوبوونەوەی هەواڵی دۆزینەوەی تەرمی بارمتەیەکی ئیسرائیلی لە غەززە، ناڕەزاییەکان دژی سیاسەتەکانی بنیامین نەتانیاهۆ، سەرۆکوەزیرانی ئیسرائیل زیاتر بوون و شەوی ڕابردوو خۆپێشاندەران چوونە سەر شەقامەکان، ژمارەی خۆپێشاندەران بە 100 هەزار کەس مەزەندە کراوە.

زانیاریی زیاتر: ئێلاد کاتزیر یەکێک بوو لەو بارمتانەی ڕۆژی 7ـی ئۆکتۆبەر لەلایەن حەماسەوە دەستبەسەر کرابوو. ڕۆژی شەممە هەواڵی دۆزینەوەی تەرمەکەی بڵاوبووەوە. 

ئەوەی پێویستە بیزانیت: خۆپیشاندەران بە گوتنەوەی دروشمی "بەداخەوەین ئێلاد" داوای  هەڵبژاردنی پێشوەختە و گۆڕانی کابینەکەی نەتانیاهۆیان دەکرد.

باکگراوند: هێشتا زیاتر لە 130 بارمتەی ئیسرائیلی لە دەستی حەماسدان و هەوڵ و گفتوگۆکان بۆ ئازادکردنیان بەردەوامە.