تۆمەتبارێک کە لە بەغدا دزی کردووە لە هەولێر دەستگیر دەکرێت

ئاڤا نیوز

بەڕێوەبەرایەتیی ئاسایشی هەولێر، دەستگیرکردنی تۆمەتبارێک ڕادەگەیێنێت کە بڕی 500 ملیۆن دیناری عێراقی لە ماڵی هاووڵاتیەک لە شاری بەغدا دزی بوو.

ڕاگەیێنراوی فەرمی: ئەمڕۆ شەممە ، بەڕێوەبەرایەتیی ئاسایشی هەولێر ڕایگەیاند، "بە فەرمانی دادوەری لێکۆڵینەوەی ئاسایشی هەولێر، تۆمەتبار (أ ، ن ، ع)ـمان دەستگیر کرد کە لە شاری بەغداد بڕی 500 ملیۆن دیناری عێراقی لە ماڵی هاووڵاتیەک دزی بوو.

ئاسایشی هەولێر ئاماژە بەوە دەکات، تاوانبارەکە بە مەبەستی خۆحەشاردان هەڵاتووە و هاتووە بۆ شاری هەولێر، "دوای ئاگادارکردنەوەی هێزەکانمان، توانرا لە ماوەیەکی کورتدا شوێنی تۆمەتبارەکە ئاشکرا بکرێت و دەستگیر بکرێت".

زانیاریی زیاتر: لە کاتی دەستگیرکردنیدا، بڕی 40 هەزار دۆلاری ئەمریکی لەلایەن ئاسایشی هەولێر دەستی بەسەرداگیرا کە تۆمەتبار لە دینارەوە ئاڵوگۆڕی کردبوو بۆ دۆلار.