بۆچی ئیسرائیل دانینا بە سەربەخۆیی سۆماڵیلاند؟

ئاڤا نیوز

کەناڵی 14ـی ئیسرائیل، هۆکاری پشت بە فەرمی ناساندنی ئیسرائیل بە کۆماری سۆماڵیلاند وەک دەوڵەتێکی سەربەخۆ و خاوەن سەروەری ئاشکرا کرد.

چیرۆکی سەرەکی: ڕۆژی هەینی، ئیسرائیل وەکو یەکەم دەوڵەت دانینا بە سەربەخۆیی "سۆماڵیلاند" لە وڵاتی سۆماڵ، ئەمە پرسیار و شیکاری زۆری بەدوای خۆیدا هێنا سەبارەت بەوەی هۆکار چییە ئیسرائیل وەکو یەکەم دەوڵەت و بە تایبەتی لەم کاتەدا دانی بە سەربەخۆیی ئەو ناوچەیە دانا.

زانیاریی بەدەستهاتوو: کەناڵی 14ـی ئیسرائیلی ئاشکرای دەکات، دانپێدانانەکە بەپێی ڕێککەوتنێک کراوە کە سۆماڵیلاند پێشوازیی لە دانیشتووانی کەرتی غەززە بکات.

زانیاریی زیاتر: ئەو هەنگاوەی ئیسرائیل ناڕەزایەتیی نێودەوڵەتی بەدوای خۆیدا هێنا و ژمارەیەک وڵات ڕەتیان کردەوە دیارترینیان؛ ئەمریکا، تورکیا، میسر، عێراق و سۆماڵ.

ئەوەی پێویستە بیزانیت: ئیسرائیل هەوڵ دەدات دانیشتووانی غەززە کە دوو ملیۆن و 400 هەزار کەس بوون پێش جەنگی دوو ساڵەی ئیسرائیل لە کەرتەکە، بگوازێتەوە ناوچەیەکی دەرەوەی خاکی فەلەستین و کەرتەکە داگیر بکات، بەڵام تاوەکو ئێستا ئەم هەوڵە بە تووندی دژایەتیی دەکرێت لەلایەن وڵاتانی ناوچەکە.