بەهۆی نالەباری کەشوهەوا سبەی لە کەرکووک کرایە پشوو

ئاڤا نیوز

شەپۆلێکی بەفر و بارانبارین ڕووی لە ناوچە جیاجیاکانی هەرێمی کوردستان کردووە و مەترسی دروستبوونی لافاو لە هەندێک شوێن هەیە، پارێزگاری کەرکووک لەوبارەیەوە دەڵێت "سبەی لە باخچەی ساوایان و قوتابخانەکانی کەرکووک دەکرێتە پشوو".

وێنە گەورەکە: لە شەوی هەینیەوە، شەپۆلێکی بەفر و بارانبارین ڕووی لە ناوچەکانی هەرێمی کوردستان کردووە، بەوهۆیەوە ئاستەنگ بۆ هاتووچۆ دروست بووە، لە هەندێک شوێن مەترسی دروستبوونی لافاو هەیە.

لێدوانی فەرمی: ڕێبوار تەها، پارێزگاری کەرکووک بە ئاڤای ڕاگەیاند: بەگوێرەی پێشبینیەکانی کەشوهەوا سبەی 28-12-2025، شەپۆلێکی بارانبارین ڕوو لە کەرکووک و قەزا و ناحیەکانی دەکات، بۆیە لەپێناو سەلامەتی گیانی قوتابیان، دەوامی باخچەی ساوایان و قوتابخانەکانمان کردە پشووی فەرمی.

لەلایەکی دیکەوە: پارێزگاری کەرکووک وتی: پشووەکە فەرمانگەکانی میری و زانکۆ و پەیمانگەکان ناگرێتەوە، دەوامی ئەوان ئاسایی دەبێت وەکو ڕۆژانی تر.