عێراق پلانی کشتوکاڵی زستانەی ڕاگەیاند

ئاڤا نیوز

 

ئەمڕۆ شەممە، وەزارەتی کشتوکاڵی عێراق قەدەغەکردنی هاوردەکردنی 12 بەرهەمی کشتوکاڵی و پەلەوەری ڕادەگەیەنێت و وردەکاری پلانی کشتوکاڵی بۆ وەرزی زستانی ئەمساڵ ئاشکرا دەکات.

 

لێدوانی فەرمی: مەهدی قەیسی، ڕاوێژکاری وەزارەتی کشتوکاڵی عێراق ڕایگەیاند: لە پێناو ساغکردنەوەی بەرهەمی ناوخۆیی، وەزارەتی کشتوکاڵ هەریەکە لە بەرهەمەکانی وەک چەوەندەر، شێلم، خاس، قەڕنابیت، کەلەرم، کولەکە، باینجان، پەتاتە، هێلکەی خواردن، مریشک، هەنگوین و خورما قەدەغە دەکات.

 

-مەهدی قەیسی ئاماژەی بەوەش کرد، بەرهەمی تەماتە لەم قۆناغەدا هاوردەکردنی ڕێگەپێدراوە، بەڵام ئەگەری هەیە لە داهاتوودا، بەپێی ئاستی بەرهەمهێنانی ناوخۆیی، هاوردەکردنی تەماتەش قەدەغە بکرێت.