پارێزگارە ڕەتکراوەکەی سەڵاحەددین نهێنییەک لەبارەی بافڵ تاڵەبانی ئاشکرا دەکات

ئاڤا نیوز 

 

ئەحمەد عەبدوڵڵا جبووری، پارێزگاری ڕەتکراوەی سەڵاحەددین ڕایگەیاند، چەند لایەنێک فشاریان لە سەرۆککۆماری عێراق کرد بۆ ئەوەی من نەبمە پارێزگار لەوانەش "بافڵ تاڵەبانی" سەرۆکی یەکێتی.

 

وێنە گەورەکە: دوای ئەوەی ئەحمەد عەبدوڵڵا جبووری کە بە "ئەبو مازن" ناسراوە، لە دەنگدانی ئەنجوومەنی پارێزگای سەڵاحەددین و لەسەر لیستی جەماهیری وەتەنی زۆرترین دەنگی بەدەستهێنا، بەڵام لەلایەن لـەتیف ڕەشید، سەرۆککۆماری عێراق ڕەت کرایەوە.

 

لێدوانی فەرمی: ئەحمەد عەبدوڵڵا جبووری، ئەمینداری گشتیی حیزبی جەماوەری لە چاوپێکەوتنێکی تەلەڤزیۆنیدا گوتی: "عەسائیبی ئەهل حەق، بافڵ تاڵەبانی و بەشێک لە سوننەکان، فشار و هەڕەشەیان لە لەتیف ڕەشید ـ سەرۆککۆماری عێراق کرد بۆ ئەوەی نووسراوەکەی من ڕەت بکاتەوە و پەسەندی نەکات و نامەکانیش هەن".

 

زانیاریی زیاتر: ئەحمەد عەبدوڵڵا جبووری دەشڵێت: ئەوەی لەم وڵاتەدا (عێراق) سەرکەوتووە، هەمیشە دەکرێتە ئامانج.

 

ئەوەی پێویستە بیزانیت: دوای بڕیاری سەرۆککۆمار بۆ ڕەتكردنەوەی ئەحمەد عەبدوڵڵا جبووری، ئەحمەد فەحل ـ بەربژێری جەماهیری وەتەنی بە زۆرینەی دەنگ وەک پارێزگاری نوێی سەڵاحەددین هەڵبژێردرا.