زیاتر لە 200 هەزار گەشتیار سەردانی هەرێمی كوردستان دەكەن

ئاڤا نیوز

گوتەبێژی دەستەی  گەشت و گوزار ڕایگەیاند، ئامادەكاری تەواو بۆ پێشوازی لە گەشتیاران كراوە، لە ڕۆژانی جەژن سەرجەم هۆتێل، ڕێستۆرانت و میوانخانەكان كراوە دەبن.

وێنە گەورەكە: ساڵی ڕابردوو لە هەرسێ ڕۆژی جەژنی ڕەمەزان 200 هەزار گەشتیار و سەردانكەر سەردانی ناوچە گەشتیارییەكان و شوێنەوارەكانی هەرێمی كوردستانیان كردووە، چاوەڕواندەكرێت ئەمساڵ ڕێژەكە بەرزتر ببێتەوە.

بۆچی گرنگە: ئەمساڵ جەژنی نەورۆز كەوتە نێو مانگی ڕەمەزان، بەوهۆیە پێشبینی دەكرێت گەشتیار و سەیرانكەران لە سێ ڕۆژی جەژن ڕوو لە سەیرانگە و ناوچە گەشتیارییەكان بكەن.

لێدوانی فەرمی: ئیبراھیم عەبدولمەجید، گوتەبێژی دەستەی گەشت و گوزار بە ئاڤا نیوزی ڕاگەیاند: لە بازگەكان ئاسانكاری تەواو دەكرێت بۆ ئەوەی گەشتیاران بێنە نێو شارەكان، تیمەكانی گەشت و گوزار بەبەردەوامی چاودێری نرخەكان دەكەن.

زانیاریی زیاتر: پێشبینی دەكرێت زیاتر لە 200 هەزار گەشتیار و سەردانیكەر لە ڕۆژانی جەژن بێنە هەرێمی كوردستان.