ژنانی مەغریب دەتوانن پاسپۆرت بۆ منداڵەکانیان دەربکەن

ئاڤا نیوز 

وەزارەتی ناوخۆی مەغریب ڕایگەیاند، هەموو ژنانی مەغریب دەتوانن داوای وەرگرتنی پاسپۆرت بۆ منداڵەکانیان بە بێ ڕەزامەندی باوکی منداڵەكان بکەن.  

لێدوانی فەرمی: عەبدولوافی لەفتیت، وەزیری ناوەخۆی مەغریب ڕایگەیاند: ژنانی مەغریبی، چ هاوسەرگیریان کردبێت یان جیابوونەتەوە، دەتوانن کۆپی بەڵگەنامەی لەدایکبوونی منداڵەکانیان بەدەستبهێنن، بەبێ ئەوەی پێویستیان بە مۆڵەتی باوکەکە هەبێت.

ئەوەی پێویستە بیزانیت:ئەم هەنگاوە دەکەوێتە چوارچێوەی ئاسانکاری بۆ دایکانی مەغریبی لە ناوەوە و دەرەوەی مەغریب بۆ بەدەستهێنانی بەڵگەنامەی کارگێڕی بۆ منداڵەکانیان، وەک پاسپۆرت، بەبێ ئەوەی پێویستیان بە وەرگرتنی ڕەزامەندی پێشوەختە لە باوکەکە هەبێت.

زانیاریی زیاتر: بە گوێرەی مەرجە یاساییەکان هەرکەسێکی بەرپرس لە منداڵەکە دەتوانێت داوای پاسپۆرت بۆ منداڵەکان بکات.

گۆشەیەكی دیكە: لە ڕابردوودا لە مەغریب، بەبێ ڕەزامەندی باوک مۆڵەت بە بە دەستهێنانی بەڵگەنامەی فەرمی منداڵان نەدەدرا.