عێراق کاری لێدانی بیرە نەوتێکی دیکە لە کەرکووک تەواو دەکات

ئاڤا نیوز

 

وەزارەتی نەوتی عێراق ڕایگەیاند، تیمە خۆجێییەکانیان بیرێکی دیکەیان لە کێڵگەی نەوتی بای حەسەن لە ڕۆژئاوای پارێزگای کەرکووک هەڵکەندووە و کارەکانی تەواوکراوە.

 

ڕاگەیێنراوی فەرمی: بەپێی ڕاگەیێنراوێکی فەرمانگەی زانیاری و پەیوەندییەکانی وەزارەتی نەوتی عێراق، تیمە خۆجێییەکانی کۆمپانیای هەڵکەندنی بیرە نەوتییەکانی عێراق کاری بیری نەوتیی بای حەسەن/199ـیان لە کێڵگەی نەوتی بای حەسەنی ڕۆژئاوای کەرکووک بۆ کۆمپانیای نەوتی باکوور تەواوکرد.

 

زانیاریی زیاتر: قووڵایی بیرەکە هەزار و 810 مەتر دەبێت و لە ڕێگەی ئامێری IDC 222 هەڵکەنراوە.

 

ژمارەکان وا دەڵێن: عێراق ڕۆژانە 350 هەزار بەرمیل نەوت لە کەرکووک بەرهەم دەهێنێت. 

 

باکگراوند: ڕۆژی 06-02-2024، وەزارەتی نەوتی عێراق، تەواوبوونی بیرەنەوتێكی دیكەی لە ڕۆژهەڵاتی شاری بەغدا ڕاگەیاند کە كۆمپانیایەكی چینی كارەكانی كردووە.