مووچەی مانگی نۆی مووچەخۆرانی هەرێمی کوردستان خەرج کرا

ئاڤا نیوز

سەرچاوەیەک لە وەزارەتی دارایی فیدڕاڵ بە ئاڤای ڕاگەیاند، مووچەی مانگی نۆی فەرمانبەرانی کوردستانی خەرج کرا.

وێنە گەورەکە: ناردنی مووچەی مانگی نۆ لە کاتێکدایە، بەشێک لە فەرمانبەرانی حکومەتی عێراق مووچەی مانگی 11ـیان وەرگرتووە و ئەم مانگە بیانووی وەزارەتی دارایی عێراق نەبووونی سیوولە بوو لە بانکەکان.

زانیاریی بەدەستهاتوو: سەرچاوەیەک لە وەزارەتی دارایی عێراق بە ئاڤای ڕاگەیاند، دوای نیوەڕۆی ئەمڕۆ پێنجشەممە، مووچەی مانگی نۆی مووچەخۆرانی هەرێمی کوردستان خەرجکرا و چاوەڕێ دەکرێت ڕێکارەکانی ناردنی لە چەند کاتژمێری داهاتوو تەواو بکرێت.

لەلایەکی دیکەوە: سەرچاوەیەک لە وەزارەتی دارایی و ئابووری هەرێمی کوردستان بە ئاڤای ڕاگەیاند، لیستی مووچە ئامادەیە و وەک مانگەکانی پێشووە و هیچ گۆڕانکارییەکی بەسەر نایەت، لەماوی سێ ڕۆژدا مووچە دابەش دەکرێت.

ئەمەش بزانە: ڕۆژی ڕابردوو ئاڤا بڵاویکردەوە بەرپرسێکی باڵای کورد لە بەغدا، کاتژمێر 06:45 خولەک قسەی لەگەڵ تەیف سامی، وەزیری دارایی عێراق کردووە، لەبارەی مووچەی مانگی نۆی مووچەخۆرانی کوردستان پرسیاری لێ کردووە. بەرپرسەکە بە ئاڤای وت: "تەیف سامی پێی وتم، خەرجکردنی مووچەی مانگی نۆ کێشەی نەماوە و خەرج دەکرێت.