فوئاد حوسێن سەرپەرشتی کۆبوونەوەیەکی لیژنەی تایبەت بە سزاکانی ئەمەریکا کرد

ئاڤا نیوز

لیژنەی باڵای تایبەت بە تاوتوێکردنی سزاکانی وەزارەتی گەنجینەی ئەمەریکا کۆبووەوە بۆ دۆزینەوەی میکانزمێک بۆ مامەڵەکردن لەگەڵ دۆخەکە و پاراستنی پەیوەندییە داراییەکانی عێراق لەگەڵ جیهاندا.

وێنە گەورەکە: وەزارەتی گەنجینەی ئەمریکا لە ماوەی ڕابردوودا، پاکێجێکی نوێی سزاکانی ڕاگەیاند کە چەندین کەسایەتیی بانکی و کۆمپانیای عێراقی پەیوەندیدار بە سوپای پاسدارانی ئێران و کەتیبەکانی حیزبوڵڵا، لەنێویاندا "کۆمپانیای ئەلموهەندیس"، گرتەوە. ئەمریکا ڕایگەیاند ئامانجی ئەم سزایانە "هەڵوەشاندنەوەی تۆڕەکانی گەندەڵی و سپیکردنەوەی پارەیە" کە گرووپە چەکدارەکان توانای کارکردنیان لە ناوخۆ و دەرەوەی عێراق پێ دەدات.

بەیاننامەی فەرمی: لە بەیاننامەیەکدا کە لەلایەن وەزارەتی دەرەوەی عێراقەوە بڵاوکراوەتەوە، کە کۆپییەکی دەست "ئاڤا میدیا" کەوتووە، تێیدا هاتووە: "فوئاد حسێن، جێگری سەرۆکوەزیران و وەزیری دەرەوە سەرپەرشتی کۆبوونەوەی لیژنەی باڵای نیشتمانیی کرد کە بەپێی فەرمانی دیوانی ژمارە 25502 پێکهێنراوە، کە بەرپرسیارە لە لێکۆڵینەوە لە بڕیارەکەی وەزارەتی گەنجینەی ئەمەریکا کە تێیدا ژمارەیەک قەوارە و کەسایەتیی خرانە لیستی سزاکانەوە.

لەهەمان كاتدا:  لە کۆبوونەوەکەدا گفتوگۆیەکی فراوان کرا دەربارەی بژاردە و ڕێکارە یاساییە بەردەستەکان بۆ مامەڵەکردن لەگەڵ ئەم دۆسیەیە لەسەر ئاستی ناوخۆ و دەرەوە. 

ڕۆڵی کۆمپانیای ئەلموهەندیس و زیانی سزاکان

کۆمپانیای ئەلموهەندیس یەکێکە لە گرنگترین کۆمپانیا نیشتمانییەکان کە بەشداری لە جێبەجێکردنی پڕۆژە خزمەتگوزاری و ستراتیژییەکاندا کردووە، هەزاران هەلی کاری بۆ هاووڵاتییانی عێراق ڕەخساندووە و پشتگیری ئاوەدانکردنەوە و سەقامگیری کردووە. موسەوی جەختی لەوە کردەوە کە "سزاکانی ئەمریکا لە پلەی یەکەمدا زیان بە هاووڵاتی عێراقی دەگەیەنێت، چونکە دامەزراوەیەکی ئابووری نیشتمانی دەکاتە ئامانج کە پڕۆژە خزمەتگوزاری و مرۆییەکان پڕ دەکاتەوە."