لێزمەباران کۆتایی دێت و نمەباران تا هەینی بەردەوام دەبێت

ئاڤا نیوز

 

دەستەی کەشناسیی عێراق دەڵێت، تا بەرەبەیانیی ڕۆژی چوارشەممە لێزمەباران لە سلێمانی و چوار پارێزگای دیکەی عێراق بەردەوام دەبێت، ڕۆژانی پێنجشەممە و هەینیش لە کوردستان و پارێزگاکانی باشووری وڵات نمەباران بەردەوام دەبێت.

 

لێدوانی فەرمی: عامر جابری، بەڕێوەبەری ڕاگەیاندن لە دەستەی کەشناسیی عێراق ڕایگەیاند، تا بەرەبەیانیی ڕۆژی چوارشەممە لە پارێزگاکانی سلێمانی، دیالە، واست، میسان و بەسڕە لێزمەباران بەردەوام دەبێت و مەترسیی دروستبوونی لافاو لەو پارێزگایانە هەر ماوە.

 

ئەوەشی خستەڕوو، ئێوارەی ڕۆژی چوارشەممە بارانبارین لە بەشی ڕۆژهەڵاتی عێراق زیاتر چڕ دەبێتەوە (پارێزگاکانی واست، دیالە و میسان)، بەڵام ڕۆژانی پێنجشەممە و هەینی لە پارێزگاکانی کوردستان و باشووری عێراق نمەباران دەبارێت و لێزمەباران کۆتایی دێت.