ئاژانسێکی ئێرانی هەواڵێک لەسەر ڕاگرتنی گەشتە ئاسمانییەکانی وڵاتەکەی دەسڕێتەوە

ئاڤا نیوز

 

ئاژانسێکی ئێرانی لێدوانێکی بەناوی وەزیری بەرگری لەبارەی ڕاگرتنی گەشتە ئاسمانییەکانی وڵاتەکەی بەهۆی ڕاهێنانی سەربازییەوە بڵاو کردەوە، بەڵام دواتر سڕییەوە.

 

لێدوانی فەرمی: ئاژانسی هەواڵی میهری ئێرانی لەسەر زاری وەزیری بەرگریی وڵاتەکە لە تۆڕی کۆمەڵایەتیی "ئێکس" ڕایگەیاند: "سەرجەم گەشتە ئاسمانییەکان لە ئاسمانی تاران بە گەشتی نێوخۆ و دەرەوە بەهۆی ڕاهێنانی سەربازییەوە لەمشەوە لە کاتژمێر 00:00 ڕادەگیرێت".

 

زانیاریی زیاتر: دوای چەند خولەکێک لە بڵاوکردنەوەی ئەو هەواڵە، ئاژانسەکە هەواڵەکەی دەسڕێتەوە هەر لە "ئێکس" هەواڵی دیکەی بڵاوکردەوە و ڕایگەیاند: "هەموو ئەو هەواڵانەی لەباری ڕاگرتنی گەشتە ئاسمانییەکان دەگوترێن، دوورن لەڕاستییەوە".

 

لەلایەکی دیکەوە: هەر شەوی ڕابردوو بەهۆی گرژییەکانی ناوچەی ڕۆژهەڵاتی ناوەڕاست و ئەگەری پێکدادان لەنێوان هێزەکانی ئیسرائیل و ئێران لە ناوچەکە، هێڵی ئاسمانی لوفتهانزای ئەڵمانی گەشتەکانی بۆ ئێران ڕاگرت.