زیاتر لە هەزار و 600 تۆن بەرهەمی جووتیارانی دهۆک ڕەوانەی بازاڕەکانی جیهان کراوە

ئاڤا نیوز

 

پرۆسەی بەبازاڕكردنی بەرهەمی جووتیاران بۆ بازاڕەكانی جیهان لە گەشەسەندندایە، ئەمساڵ هەزاران تۆن بەرهەمی جووتیارانی کورد، هەناردەی بازاڕەكانی جیهان كراوە.

 

لێدوانی فەرمی: ئەحمەد جەمیل، بەڕێوەبەری گشتیی كشتوكاڵی دهۆك، بە ئاڤا میدیای ڕاگەیاند، ئەمساڵ زیاتر لە هەزار و 661 تۆن له‌ به‌روبوومى خۆماڵى لە‌ برنجی كوردی، سماق، هەنجیری وشككراو، مێوژ و فستق، هه‌ناردەی توركیا كراوە، لەوێشەوە بۆ بازاڕەكانی جیهان دەچێت.

 

زانیاریی زیاتر: بەپێی ئامارەکانی بەڕێوەبەرایەتیی گشتیی كشتوكاڵی دهۆك، لە 11 مانگی بەرهەمی هەناردەكراوی جووتیارانی سنووری پارێزگای دهۆك بۆ توركیا و وڵاتانی ئەورووپا، بەمشێوەیە بووە:

-    برنجی كوردی: 71 تۆن.
-    سماق: هەزار و 589 تۆن.
-    هەنجیری وشككراو: 150 كیلۆگرام.
-    مێوژ: 250 كیلۆگرام.
-    فستق: هەزار و 250 كیلۆگرام.

 

لەلایەکی دیکەوە: ئەحمەد جەمیل، دەڵێت،  لە ماوەی ئەمساڵ زیاتر لە 275 هەزار و 961 تۆن بەرهەمی خۆماڵی ڕەوانەی بازارەکانی باشوور و ناوەڕاستی عێراق کراون.