گەشتوگوزار بۆ گەشتیاران: لە هەر حاڵەتێکی پێویست پەیوەندی بە هێڵە گەرمەکانەوە بکەن

ئاڤا نیوز

 

گەشتوگوزاری هەرێمی کوردستان گەشتیاران ئاگادار دەکاتەوە، لە هەر حاڵەتیكی پێویست پەیوەندی بە هێڵە گەرمەکانی گەشتوگوزارەوە بکەن.

 

وێنە گەورەکە: ساڵانە ژمارەیەکی زۆر گەشتیار ڕوو لە هەرێمی کوردستان دەکەن، لە جەژن و بۆنەکان ژمارەی گەشتیاران بە ڕێژەیەکی بەرچاو لە کاتێکی دیکەی ئاسایی زیاتر دەبێت، بۆ ئەم مەبەستەش لایەنە پەیوەندیدارەکان ڕێکكاری پێشوەختەی پێویست بۆ پێشوازی لە گەشتیاران دەگرنەبەر.

 

ئەوەی پێشبینی دەکرێت: پێشبینی دەکرێت ئەمساڵ لە ڕۆژانی پشووی سەری ساڵ زیاتر لە 200 هەزار گەشتیار سەردانی هەرێمی کوردستان بکەن.

 

لێدوانی فەرمی: ئیبراهیم عه‌بدولمه‌جید، گوته‌بێژی ده‌سته‌ی گه‌شتوگوزاری هه‌رێمی كوردستان بە ئاڤای گوت، ئامادەکاریی تەواو بۆ پێشوازی لە گەشتیاران کراوە، لە ڕۆژانی پشووی سەری ساڵ سەرجەم بنکە و شوێنە گەشتیارییەکان کراوە دەبن، ژمارەیەک لیژنەش پێکهێنراون کە لە هەموو ڕویێکەوە چاودێریی دۆخی شوێنە گەشتیارییەکان دەکەن.

 

ئەوەی پێویستە بیزانیت: دەستەی گەشتوگوزاری هەرێمی کوردستان ئاگاداریی گەشتیاران دەکاتەوە، لە هەر حاڵەتێکی پێویست و هەر کاتێک بێت پەیوەندی بە هێڵە گەرمەکان بکەن، ئەو هێڵە گەرمانەش بەشێوەی 24 کاتژمێری کراوە دەبن.

 

زانیاری زیاتر: لە هەر پارێزگا و ئیدارەیەکی سەربەخۆ هێڵی گەرمی تایبەت دانراوە، ژمارەکانیش ئەمانەن:

هێڵی گەرم 

هەولێر: 07504719735

سلێمانی: 07726227070

دهۆک: 07512006366 - 07504014639

هەڵەبجە:07508597747 - 07700307747

سۆران: 07504487439
گەرمیان: 07705513334

زاخۆ: 07504175179

راپەڕین: 07700608107