هۆشدارییەک لە بەرگریی شارستانی هەولێر: ڕێگای سۆران - حاجی ئۆمەران بەکارنەهێنن

ئاڤا نیوز

 

بەڕێوەبەرێتی بەرگریی شارستانی هەولێر لە ڕێگەی ئاڤا میدیاوە داوا لە هاونیشتمانیان دەکات بۆ هیچ مەبەستێکی گەشیاریی یان هاتوچۆی ئاسایی، ڕێگەی سۆران حاجی ئۆمەران بەکار نەهێنن، بەمەبەستی سەلامەتی سەر و ماڵیان.

 

چیرۆکی سەرەکی: لە 24 کاتژمێری ڕابردوودا تیمەکانی چاککردنەوە و پاراستنی ڕێگاوبان و فەرمانگەکانی بەرگریی شارستانی سەرقاڵی خزمەتگوزاریی فریاگوزاریی بوون بۆئەوەی ئاستەنگەکانی هاتوچۆ لەبەردەم هاونیشتمانیان نەهێڵن، کە بەهۆی بەفر و بەستەڵەکەوە دروستبووە، بەڵام هەندێک لە ڕێگاکان بەهۆی سەختی یان ڕۆچوونی شاخەکانەوە، پێوستی بە کاتی زیاترە بۆئەوەی چاکبکرێتەوە.

 

زانیاری زیاتر: شەوی ڕابردوو، پلەکانی گەرما لە حاجی ئۆمەران و چەندین ناوچەی دیکە کەمتر بوون لە سفر پلەی سیلیزی و زۆرینەی شەقام و ڕێگە سەرەکییەکان ئاستەنگیان تێدا دروست بوو، لە ئێستاشدا تیمەکان سەرقاڵی کردنەوەی ڕێگاکانن.