پێشانگەی نێودەوڵەتیی كتێب لە هەولێر دەكرێتەوە

ئاڤا نیوز

بڕیارە ڕۆژی چوارشەممه‌ 17-ی نیسان، بە سەرپەرشتی سەرۆک بارزانی، 16ـ ەمین خولی پێشانگەی نێودەوڵەتیی کتێب لە هەولێر بکرێتەوە.

لێدوانی فەرمی: هێمن سابیر، بەرپرسی ڕاگەیاندنی پێشانگەی نێودەوڵەتیی هەولێر بە ئاڤا نیوزی گوت: بە سەرپەرشتی سەرۆک بارزانی ڕۆژی چوارشەممه‌ 17-4-2024، پێشانگاکە دەکرێتەوە و بۆ ماوەی 10 ڕۆژ بەردەوام دەبێت، ڕۆژانە پێشانگاکە لە کاتژمێر 10ـ ی بەیانی تا 8ـ ی ئێوارە کراوە دەبێت.

زانیاريی زیاتر: زیاتر لە 300 دەزگای چاپ و بڵاوکردنەوەی کوردستان و عێراق و وڵاتانی عەرەبی و بیانی، بە یەک ملیۆن و 500 هەزار کتێب لە بوارە جیاوازەکان بەشداری لە پێشانگەکەدا دەکەن، داشکاندن تا بە ڕێژەی 50% لەسەر نرخی کتێبەکان کراوە، چەندین چالاکی کولتووری و زانستی جیاواز و چاوپێکەوتن لەگەڵ دیارترین نووسەر و ئەدەب دۆستاندا بەڕێوەدەچن.

ئەوەی پێویستە بیزانیت: 16 ساڵە پێشانگەی نێودەوڵەتیی هەولێر بۆ کتێب بە ئامادەبوون و سەرپەرشتی سەرۆک بارزانی بەڕێوەدەچێت، ساڵانە پێشوازییەکی گەورەی لەلایەن خوێنەرانەوە لە سەرتاسەری هەرێمی کوردستان لێدەکرێت.