لە هەولێر زۆرترین حاڵەتی بەربوونەوە و خلیسکان لەسەر بەستەڵەک ڕەوانەی نەخۆشخانە کراون

ئاڤا نیوز

 

زۆربەی ئەو حاڵەتانی لە شەوی سەری ساڵ لە هەولێر ڕەوانەی نەخۆشخانە کراون، حاڵەتی بەربوونەوە بووە بە تایبەت خلیسکان لەسەر بەفر و بەستەڵەک لە شوێنە گشتی و شەقامەکان.

 

لێدوانی فەرمی: سەعد کەمال، بەڕێوەبەری کارگێڕیی نەخۆشخانەی ڕزگاری بە ئاڤای گوت: لە ماوەی 24 کاتژمێر واتا لە کاتژمێر هەشتی بەیانی ڕۆژی 31-12-2025، تا کاتژمێر هەشتی بەیانی ڕۆژی 1-1-2026 ، ئەو حاڵەتانەی هاتوون بۆ نەخۆشخانەی ڕزگاری بەشی فریاکەوتن بەمجۆرەبوو:

12 حاڵەتی ڕووداوی هاتووچۆ

16 ڕووداوی شەڕ

40 حاڵەتی خلیسکان و بەربوونەوە

86 نەخۆشیش خەوێنراون

بەشی ڕاوێژکاری 450 نەخۆشی بەڕێکردووە

هەشت نەشتەرگەریش کراوە

 

لە لایەکی دیکەوە: گەنجۆ شێرزاد، بەڕێوەبەری کارگێڕیی نەخۆشخانەی فریاکەوتنی ڕۆژئاوا بە ئاڤای گوت: لە کاتژمێر هەشتی بەیانی ڕۆژی 31-12-2025، تا کاتژمێر هەشتی بەیانی ڕۆژی 1-1-2026 ئەو حاڵەتانەی هاتوون بۆ نەخۆشخانەکەمان بەمجۆرەبووە:

25 حاڵەتی خلیسکان و بەربوونەوە

10 حاڵەتی بەرکەوتنی زەبری دەرەکی

13 ڕووداوی هاتووچۆ (پێنج ڕووداوی ئۆتۆمبێل و هەشت ڕووداوی ماتۆر)

پێنج حاڵەتی شکان

70 نەشتەرگەری (پێنج نەشتەرگەری گەورە، 65 نەشتەرگەری بچووک)