ڕاوێژکاری ئەڵمانیا: ڕۆژانی کۆتایی ڕژێمی ئێران دەبینین

لەگەڵ زیادبوونی ناڕەزایەتییەکان لە ئێران و هەڕەشەکانی ئەمریکا بۆ سەر ئەو وڵاتە، ڕاوێژکاری ئەڵمانیا گریمانە دەدات و دەڵێت،''ڕەنگە جیهان شایەتحاڵی ڕۆژانی کۆتایی ڕژیمی ئێران بێت.''

 

چیرۆکی سەرەکی: خۆپیشاندان و ناڕەزاییەتییەکانی ئێران، وڵاتانی ئەوروپاشی هێنایە دەنگ و لە نوێترین کاردانەوەشدا، راوێژکاری ئەڵمانیا، وادەی نزیکبوونەوەی ڕێژمی ئێستای ئێران ئاشکرا دەکات.

 

لێدوانی فەرمی: فریدریش مێرز، ڕاوێژکاری ئەڵمانیا، دەڵێت: ''کاتێک ڕژێمێک تەنیا لەڕێگای توندوتیژیەوە دەست بە دەسەڵاتەوە بگرێت، ئەوا بە شێوەیەکی کاریگەر کۆتایی پێدێت، من باوەڕم وایە ئێستا شاهێدی دوا ڕۆژ و هەفتەکانی ئەم دەسەڵاتەین''

 

کاردانەوەکان: هەریەک لە ئوسترالیا، سوید و فەرەنسا، هۆشداریییان بەهاووڵاتیانی خۆیاندا هەرچی زووە ئێران جێبهێڵن و ئیسپانیاش بانگهێشتی باڵیۆزی ئێران لە وڵاتەکەی دەکات. 

 

ئەمەش بزانە: دۆناڵد ترەمپ، سەرۆکی ئەمریکا هەڕەشەکانی بۆ سەر ئێران چڕکردووەتەوە و  تەنانەت و هەڕەشەی سزای باجی گومرگی لەو وڵاتانە دەکات کە لەگەڵ ئێران مامەڵەی بازرگانی دەکەن.