بەهای دینار بەرامبەر دۆلار بەرزدەبێتەوە

ئاڤا نیوز

لە بازاڕەکانی هەرێمی کوردستان بەهای دینار بەرامبەر دۆلار بەرزبووەوە، وتەبێژی بازاڕی دراوی هەولێر هۆکارەکەی بۆ مامەڵەی هەوایی بە دۆلارەوە دەگەڕێنێتەوە.

لێدوانی فەرمی: کەیفی خۆشناو، وتەبێژی بازاڕی دراوی هەولێر بە ئاڤا میدیای ڕاگەیاند: "بەیانی ئەمڕۆ بەهای 100 دۆلار بەرامبەر 148 هەزار و 250 دینار بوو، بەڵام دواتر بەهای دینار بەرزبووەوە و ئێستا بە 147 و 500 دینار مامەڵەی پێوە دەکرێت."

هۆکارە زانراوەکان: سەبارەت بەهۆکاری بەرزبوونەوە و دابەزینی بەهای دینار بەرامبەر دۆلار، وتەبێژی بازاڕی دراوی هەولێر وتی: "مامەڵەی هەوایی بە دۆلارەوە دەکرێت، ترسی هێرشی ئەمریکا بۆ سەر ئێرانیش وایکردووە بەهای دینار هەندێکجار داببەزێت و یان بەرزببێتەوە، بەڵام دوای پێکهێنانی کابینەی نوێی حکومەتی عێراق پێموایە بەهای دۆلار جێگیر دەبێت."

زانیاریی زیاتر: جیاوازی نێوان دۆلاری شین و دۆلاری سپی لەبازاڕدا خەڵکی نیگەران کردووە، کەیفی خۆشناو دەڵێت: "دوای فتواکەی لیژنەی فتوای، ئێستا جیاوازیەکە کەمترە و تەنیا 750 هەزار دینارە، بەگوێڕەی تێپەڕێنی کات ئەو جیاوازیەش نامێنێت."