ئەمریکا بۆ ئیسرائیل: نامانەوێت لەگەڵ ئێران بچینە جەنگەوە

ئاڤا نیوز 

دوای هێرشەکەی ئێران، ئیسرائیل هەڕەشەی تۆڵەکردنەوە و هێرشی پێچەوانە دەکات، بۆ ئەو مەبەستەش کۆشکی سپی بە ئیسرائیلی گوتووە ''پشتیوانیتان ناکەین و نامانەوێت لەگەڵ ئێران بچینە جەنگەوە''.

لێدوانی فەرمی: جۆن کێربی، گوتەبێژی کۆشکی سپی لە کۆنگرەیەکی ڕۆژنامەوانیدا ڕایگەیاند: ''نامانەوێت دۆخی ڕۆژهەڵاتی ناوەڕاست زیاتر تێکبچێت، بۆیە بەهیچ جۆرێک ئارەزوو ناکەین لەگەڵ ئێراندا جەنگ هەڵبگیرسێنین''.
 

وێنە گەورەکە: ئیسرائیل داوای لە هاوپەیمانانی کردبوو بۆ بەرەنگاربوونەوەی هێرشەکانی دوێنێ شەوی ئێران هاوکاری بکەن، ئەمریکا و چەند وڵاتێکی ئەوروپیش هاوکاری ئیسرائیلیان کرد، بەڵام ئەمریکا نایەوێت جەنگ لە نێوان ئیسرائیل و ئێران زیاتر پەرەبسێنێت.

ئەمەش بزانە: هێزەکانی ئەمریکا لە ڕۆژهەڵاتی ناوەڕاست بە ئامادەباشی دەمێننەوە بۆ بەرپەرچدانەوەی هەر هێرشێک کە لەلایەن ئێرانەوە بکرێت.