سەرۆکوەزیرانی بەریتانیا لەبارەی پرسی گرینلاند؛ گەلی گرینلاند بڕیار لە داهاتووی خۆی دەدات

ئاڤا نیوز

دوای گرژییەکانی نێوان ئەمریکا و هاوپەیمانانی ئەوروپا، سەرۆکوەزیرانی بەریتانیا جەخت لە سەروەری خاکی گرینلاند دەکاتەوە و دەڵێت: "گەلی گرینلاند خۆیان داهاتووی خۆیان دیار دەکەن."

لێدوانی فەرمی: کیێر ستارمەر، سەرۆکوەزیرانی بەریتانیا، لە وتارێکیدا سەبارەت بە گرینلاند تیشکی خستە سەر چەند پرسێک و ڕایگەیاند: داهاتووی گرینلاند تەنیا لەدەستی خەڵکی گرینلاند و شانشینی دانیمارکە، هیچ باجێک و گوشارێک نابێت ڕێگریی لەمە بکات، دەشڵێت: "ڕێگای چارەسەرکردنی پرسی گرینلاند دەتوانێت بە دیالۆگ لەگەڵ هاوپەیمانان بکرێت."

زانیاریی زیاتر: سەرەڕای هەموو ئارەزووەکانی دۆناڵد ترەمپ، بۆ بەدەستهێنانی ئەو دوورگەیە سەرکردەکانی ⁠هەردوو وڵاتی دانیمارک و گرینلاند، پێداگرییان کردووە کە دوورگەکە بۆ فرۆشتن نییە و نایەوێت بەشێک بێت لە ئەمریکا.

ئەمەش بزانە: دوای ئەوەی ترەمپ هەڕەشەی باجی بەسەر وڵاتانی ئەوروپا کرد و ئەوروپاش لە بەرامبەردا هەڵوێستی یەکگرتوویی خۆی لە بەرامبەر هەڕەشەکانی ترەمپ دووپاتکردەوە، ستارمەر جەختی لەوە کردەوە، شەڕی پێناسی گومرگی لە بەرژەوەندی کەسدا نییە.

 

لەلایەکی دیکەوە: لە هەڵبژاردنە پەرلەمانییەکەی گرینلاند لە مانگی ئازاری 2025، دەنگی ناسیۆنالیستەکان بەشێوەیەکی بەرچاو بەرزبوویەوە کە داوای ئەوە دەکەن دوورگەکەیان لە دانیمارک جیاببێتەوە و سەربەخۆ بێت.