کۆشکی سپی: دەبێت چاکسازییەکانى عێراق لە کەرتی بانکیدا دەرئەنجامەکانی بەدەر بکەون

ئاڤا نیوز 

 

کۆشکی سپیی ئەمریکا ڕایگەیاند، یەکێک لە تەوەرەکانی کۆبوونەوەی بایدن و سوودانی پرسی بانکەکانی عێراق بووە کە بایدن جەختی لە چاکسازییەکانی ئەو کەرتە کردووەتەوە.

 

وێنە گەورەکە: 27 بانکی عێراقی لەلایەن وەزارەتی گەنجینەی ئەمریکاوە بەتۆمەتی سپیکردنەوەی پارە و تێوەگلان لە گەندەڵی سزادراون. 

 

ڕاگەیێنراوی فەرمی: لە ڕاگەیێنراوەکەی کۆشکی سپیدا هاتووە، عێراق و ئەمریکا پابەندن بە بەهێزکردنی هاوکارییەکانیان؛ بۆ گەیشتن بە شەفافیەت و هاوکاری زیاتر لە دژی سپیکردنەوەی پارە، پارەدارکردنی "تیرۆریستی"، ساختەکاری، گەندەڵی و چالاکییە سزادراوەکان کە دەتوانن یەکپارچەیی سیستەمی دارایی لە هەردوو وڵات تێکبدەن.

 

زانیاری زیاتر: جۆ بایدن و سوودانی ئاماژەیان بەوەش کردوە، چاکسازییەکانى عێراق لە کەرتی بانکیدا بەردەوام دەبن، دەبێت لە کۆتایی ئەمساڵدا دەرئەنجامەکانی بەدەر بکەون.