قاسم ئەعرەجی: پێویستە بەزووترین کات گرووپە چەکدارەکان چەکەکانیان دابنێن

ئاڤا نیوز

 

ڕاوێژكاری ئاسایشی نیشتمانی عێراق ئاماژە بەوە دەدات، لە سەردانەکەی سەرۆککۆماری تورکیا بۆ عێراق چارەسەری پرسی گرووپە چەکدارەکان تاوتوێ دەکرێت.

 

وێنە گەورەکە: بڕیارە 22ـی ئەم مانگە دوای 12 ساڵ جارێکی دیکە ڕەجەب تەیب ئەردۆغان، سەرۆککۆماری تورکیا سەردانی عێراق بکات، پرسی وزە، ئاو، ئابووری و چەککردنی چەکدارانی پارتی کرێکاران لەگەڵ بەرپرسانی باڵای عێراق تاوتوێ بکات.

 

لێدوانی فەرمی: قاسم ئەعرەجی، ڕاوێژكاری ئاسایشی نیشتمانی عێراق ڕایگەیاند: "عێراق هەوڵی بۆ ئەوەیە کۆتایی بە هۆکاری ناکۆکییەکانی لەگەڵ تورکیا بهێنێت، لەوانە چارەسەرکردنی پرسی ئەو گرووپە چەکدارانەی کە مەترسین بۆ سەر هەردوو وڵات."

 

زانیاریی زیاتر: پێویستە بەزووترین کات چەکدارانی ئەو گرووپانە چەک دابنێن و کۆتایی بەم دۆخە بهێنن. ئەعرەجی لە بەشێکی دیکەی قسەکانیدا ئەوەشی گوت.