دوو ئەندامی شاندی عێراق لە ئەمریكا داوای مافی پەنابەری دەكەن

ئاڤا نیوز

دوو ئەندامی ئەو شاندەی لەگەڵ محەممەد شیاع سوودانی سەردانی ئەمریكایان كرد، داوای مافی پەنابەرییان لەو وڵاتە كردووە و نایانەوێت بگەڕێنەوە عێراق.

لێدوانی فەرمی: نزار حەیدەر ـ بەڕێوەبەری سەنتەری ڕاگەیاندنی عێراقی و شرۆڤەکاری سیاسی لە واشنتن، بە ئاڤا نیوزی گوت: دوو ئەندامی ئەو شاندەی سوودانی کە ئێستا لە ئەمریکان، داوای مافی پەنابەرێتیی سیاسییان لەو وڵاتە کردووە و نایانەوێت بگەڕێنەوە عێراق.

زانیاریی زیاتر: لەبارەی ڕووداوەکەوە، سوودانی گوتوویەتی کە دەگەڕێتەوە عێراق بڕیار دەدات چی لەسەر ئەو بابەتە بکات، ئەمە "شەرمەزارییە" کە ڕووبەڕووی سەرۆکوەزیران بووەتەوە و بڕیاریشە بەمزووانە ناوەكانیان ئاشكرا بكرێن. نزار حەیدەر ئەمەی گوت.

وێنە گەورەكە: ئەم حاڵەتانە پێشتر و لە ساڵانی ڕابردووش ڕووی داوە. بەرپرسانی سەربازیی عێراق کە لەگەڵ شاندی حکومی چوونەتە ئەمریکا، داوای مافی پەنابەرییان کردووە و لەگەڵ شاندەکەیان بۆ عێراق نەگەڕاونەتەوە.