سوودانی داوای سیستەمی چاودێری درۆنی لە ئەمریكا كردووە

ئاڤا نیوز 

وەزیری بەرگریی عێراق ڕایدەگەیێنێت، لە سەردانەکەی سەرۆکوەزیرانی عێراق بۆ واشنتن خواستی وڵاتەکەی بۆ بەدەستهێنانی سیستەمی چاودێری درۆن و کڕینی هێلیکۆپتەری خستووەتەڕوو.

وێنە گەورەکە: محەممەد شیاع سوودانی، سەرۆکوەزیرانی عێراق بە سەردانێکی فەرمی هەفتەیەک لە ئەمریکا بوو، لەو ماوەیەدا زنجیرەیەک کۆبوونەوەی لەگەڵ بەرپرسانی کۆشکی سپی ئەنجامداوە و باسیان لە بەرەوپێشبردنی پەیوەندییەکانی نێوان هەردوو وڵات کردووە.

لێدوانی فەرمی: "سەرۆکوەزیرانی عێراق، لەگەڵ وەزیری بەرگری ئەمریکا گفتوگۆی کردووە لەبارەی پاڵپشتیکردنی فڕۆکەکانی F-16، هاوکات گرێبەستکردن بۆ کڕینی هێلیکۆپتەری بەرهەمهێنراوی کۆمپانیای بێڵ، خواستی گرێبەستکردن بۆ کڕینی سیستەمی ڕاداری چاودێریکردنی فڕۆکەی بێفڕۆکەوان". سابت عیساوی، وەزیری بەرگریی عێراق ئەمەی بە میدیای عێراق گوت.

لەلایەکی دیکەوە: سەرۆکوەزیرانی عێراق سه‌رپه‌ر‌شتی واژۆکردنی 18 یاداشتی لێکتێگەشتنی لەنێوان کەرتی حکومی و تایبەتی عێراق و کۆمپانیاکانی ئەمریکای کرد، بەشێک زۆری یاداشتەکان پەیوەست بە پەرەپێدانی کەرتی وزە بوون.