ئەمڕۆ لیستی مووچە بۆ بەغدا دەنێردرێت

ئاڤا نیوز 

 

لە عێراق دابەشکردنی مووچەی مانگی چوار دەستی پێ کردووە و بڕیارە ئەمڕۆ وەزارەتی دارایی و ئابووریی هەرێمی کوردستان لیستی مووچە بۆ بەغدا بنێرێت. 

 

وێنە گەورەکە: دوای ڕێککەوتنی سەرۆکوەزیران بارزانی و محەممەد شیاع سوودانی، مووچە لە سەرجەم کێشەکان جیاکراوەتەوە و بڕیارە مانگانە لە کاتی خۆیدا بنێردرێت.

 

زانیاری بەدەستهاتوو: ئەمڕۆ وەزارەتی دارایی و ئابووریی هەرێمی کوردستان ئامادەکارییەکانی لیستی مووچە تەواو دەکات و بڕیارە هەر ئەمڕۆ بۆ بەغدای بنێرێت. 

 

ئەوەی پێویستە بیزانیت: بڕیارە وەزارەتی دارایی عێراق تاوەکو 25ـی ئەم مانگە مووچەی مانگی چواری سەرجەم مووچەخۆرانی هەرێمی کوردستان بنێرێت کە بڕەکەی 940 ملیار دینارە.