میدیا جیهانییەكان چۆن باسی سەردانەكەی ئەردۆغان دەكەن؟

ئاڤا نیوز 

 

 سەرۆککۆماری تورکیا بە سەردانێکی فەرمی گەیشتە بەغدا، دوای کۆبوونەوەی لەگەڵ سەرۆککۆمار و سەرۆکوەزیرانی عێراق سەردانی هەولێر دەکات و لەگەڵ بەرپرسانی هەرێمی کوردستان کۆ دەبێتەوە، سەردانەکەشی بووەتە باسی میدیا جیهانییەکان. 

 

وێنە گەورەكە: سەردانی سەرۆككۆماری توركیا بۆ عێراق و هەرێمی كوردستان، بووەتە ڕۆژەڤی گەرمی میدیا ناوخۆیی و جیهانییەكان و بەشێک لە میدیاكان بە گرنگترین سەردان لە ناوچەكەدا باسی دەكەن.

ئەوەی لەبارەیەوە دەگوترێت: 

 

زە ناشناڵ: ئەردۆغان بۆ بەرزكردنەوەی پەیوەندییە دیپلۆماسییەكانی، لە بەغدایە.

 

ئەی بیسی نیوز: ڕەجەب تەیب ئەردۆغان ئەمڕۆ دووشەممە گەیشتە عێراق و وڵاتەکەی داوای هاوکاریی زیاتری بەغدا دژ بە گرووپێکی چەکداری کورد (پەکەکە) دەکات.

 

ئەلمۆنیتۆر: سەردانەکەی سەرۆککۆماری تورکیا مژدەی لاپەڕەیەکی نوێیە لەگەڵ عێراق، دوای زیاتر لە دە ساڵ پەیوەندیی ئاڵۆز.

 

ئەلعەرەبییە:  سەرۆككۆماری توركیا لە بارەی پەكەكە، وزە، بازرگانی و ڕێكخستنی پەیوەندییەكان لە عێراقە.

زە نیو عەرەب: یەکێک لە گرنگترین کارنامەی سەردانەکەی ئەردۆغان، پرسی ئاوە.

زە عەرەب وییك: پەكەكە و ئاو، گەورەترین هۆكاری سەردانەكەی ئەردۆغانن بۆ عێراق.

 

دەنگی ئەمریكا:  ئەردۆغان بۆ ڕووبەڕووبوونەوەی پەكەكە، پشتیوانیی عێراقی دەوێت.

 

باكگراوند: بڕیارە ئەمڕۆ دووشەممە، سەرۆككۆماری توركیا سەردانی هەرێمی كوردستان بكات و لەگەڵ سەرۆک بارزانی، سەرۆکی هەرێمی کوردستان و سەرۆکوەزیران بارزانی کۆ ببێتەوە.