عێراق و تورکیا سەرپەرشتیی واژۆکردنی یادداشتنامەیەکی چوارقۆڵی دەکەن

ئاڤا نیوز

 

عێراق، توركیا، ئیمارات و قه‌ته‌ر له‌ به‌غدا یاداشتێكی لێكتێگه‌یشتنیان له‌باره‌ی پڕۆژه‌ی ڕێگەی گه‌شه‌" واژۆ كرد، به‌پێی یاداشته‌كه‌ ده‌بێت هه‌رچوار وڵات چوارچێوه‌ی پێویست دابنێن بۆ جێبه‌جێكردنی پرۆژه‌ ستراتیژییه‌كه‌.

ڕاگەیێنراوی فەرمی: محه‌ممه‌د شیاع سودانی سه‌رۆك وه‌زیرانی عێراق و ڕه‌جه‌ب ته‌یب ئه‌ردۆغان سه‌رۆكکۆماری توركیا له‌ به‌غداد سه‌رپه‌ره‌شتی واژۆکردنی لێکتێگەیشتنێکی چوار قۆڵی لەنێوان  وڵاتانی عێراق، تورکیا، ئیمارات قەتەر لەبارەی ڕێگەی گەشەپێدان كرد.

شێوازی  جێبەجێکردن: له‌لایه‌ن عێراق ڕه‌زاق محێبس وه‌زیری گواستنه‌وه‌، لەلایەن توركیا عه‌بدولقادر ئۆرال ئۆغلۆ، وه‌زیری گواستنه‌وه ‌و ژێرخانی توركیا واژۆیان له‌سه‌ر یاداشته‌كه‌ كرد، له‌لایه‌نی قه‌ته‌ری جاسم بن سه‌یف سلێتی وه‌زیری ‌ گواستنه‌وه‌ی گه‌یاندنی قه‌ته‌ر، له‌لایه‌نی ئیمارات سوهێل محه‌ممه‌د مه‌زروعی  وه‌زیری وزه‌ و ژێرخانی ئیمارات واژۆیان كرد. 

ڕێککەوتنەکە بەم شێوەیەیە: به‌گوێره‌ی ئه‌و یاداشته‌ی كه‌ هه‌رچوار وڵات واژۆیان كردووه‌، پێویستە چوارچێوه‌ی پێویست دابنێن بۆ جێبه‌جێكردنی پرۆژه‌ی (هێڵی گه‌شه).

ئەوەی پێویستە بیزانیت: هێڵی گه‌شه‌ پڕۆژه‌ی هێڵێكی شه‌مه‌نده‌فه‌ره‌ كه‌ توركیا به‌ كه‌نداوی عه‌ره‌بییه‌وه‌ و ده‌به‌ستێته‌وه ‌و كه‌نداوی عه‌ره‌بیش به‌ وڵاتانی ئه‌وروپاوه‌.