ئەردۆغان لەگەڵ سەرۆک بارزانی کۆ دەبێتەوە

ئاڤا نیوز

ڕەجەب تەیب ئەردۆغان ـ سەرۆککۆماری تورکیا لە هەولێرە و ئێستا لەگەڵ سەرۆک بارزانی لە کۆببوونەوەدایە و هەر ئەمشەو کۆتایی بەسەردانەکەی بۆ هەولێر دە‌هێنێت.

 

چیرۆکی سەرەکی: کاتژمـێر 8:30ـی ئەمشەو لە فڕۆکەخانەی نێودەوڵەتیی هەولێر، نێچیرڤان بارزانی و مەسرور بارزانی پێشوازییان لە ڕەجەب تەیب ئەردۆغان کرد و ئێستاش سەرۆککۆماری تورکیا لەگەڵ سەرۆک بارزانی کۆ بووەوە.

 

ئەوەی پێویستە بیزانیت: سەردانەکەی ئەردۆغان بۆ هەرێمی کوردستان دوای سەردانەکەی بۆ بەغدا دێت کە 26 یادداشتی لێکتێگەیشتن و ڕێککەوتننامەی لەگەڵ عێراق واژۆ کرد.

 

بۆچی گرنگە: توركیا لە ڕووی دیپلۆماسی و ئابوورییەوە گرنگییەكی تایبەتی بۆ هەرێمی كوردستان هەیە و لە كۆبوونەوەكانی سەرۆككۆماری توركیا باسی دروستكردنی ڕێگەیەكی دیكەی بازرگانیی نێوان توركیا و هەرێمی كوردستان و چەندین پرسی گرنگ دەکرێن.