هاوپەیمانیی تەقەدووم هەڕەشەی بایکۆتکردنی پرۆسەی سیاسیی عێراق دەکات

ئاڤا نیوز 

گوتەبێژی هاوپەیمانیی تەقەدووم دەڵێت، پۆستی سەرۆکی ئەنجوومەنی نوێنەران مافی خۆیانە و سازشی لەسەر ناکەن، ئەگەر پێیان نەدرێتەوە لە پڕۆسەی سیاسیی عێراق دەکشێنەوە. 

 

وێنە گەورەکە: دوای دوورخستنەوەی محەممەد حەلبووسی، تا ئێستا شوێنگرەوەیەک بۆ پۆستی سەرۆکی پەرلەمان دیاری نەکراوە. 

 

لێدوانی فەرمی: یەحیا محەممەدی ـ گوتەبێژی هاوپەیمانیی تەقەدووم ڕایگەیاند: ئێمە 43 بەربژێرمان بۆ پۆستی سەرۆکی ئەنجوومەنی نوێنەرانی عێراق هەیە، ئەگەر پۆستەکە وەرنەگرینەوە لە پڕۆسەی سیاسیی عێراق دەکشێینەوە.

 

ئەوەی پێویستە بیزانیت: هاوپەیمانیی تەقەدووم دوای کشانەوەی شەعلان کەریم، هیچ بەربژێرێکی دیکەی پێشنیاز نەکردووە، بەڵام هاوپەیمانیی دەوڵەتی یاسا پشتیوانی لە مەحموود مەشهەدانی و بەشێکی لایەنەکانی چوارچێوەی هەماهەنگیش پاڵپشتییی سالم عیساوی دەکەن بۆ پۆستی سەرۆکی ئەنجوومەنی نوێنەرانی عێراق.