وەزارەتی ناوخۆی عێراق بڕیارێک لە بەرژەوەندی کوردە فەیلییەکان دەدات

ئاڤا نیوز 

وەزارەتی ناوخۆی عێراق لەسەر داوای جێگری یەکەمی سەرۆکی ئەنجوومەنی نوێنەرانی عێراق، ئەو سنووردارکردنانە هەڵدەگرێت کە بەسەر کوردانی فەیلیدا سەپێنراوە.

ڕاگەیێنراوی فەرمی: وەزارەتی ناوخۆی عێراق گشتاندێکی بۆ سەرجەم بەشەکانی بەڕێوەبەرایەتی باری شارستانی و پاسپۆرت و نیشنگە کردووە و تێیدا داوای کردووە "ئاماژەی سڕکردن و ئەو سنووردارکردنانە هەڵبگیرێت کە بەسەر کودە فەیلییەکانی هاونیشتمانی عێراقی سەپێنراوە، کە دۆسیەکانیان لە بەشی بیانییەکان دانرابوو".

وێنە گەورەكە: لە کۆتایی حەفتاکان و سەرەتای هەشتاکانی سەدەی ڕابردوو، ڕژێمی بەعس دەستی کرد بە هەڵمەتێکی گەورە بۆ ڕاگواستنی کوردانی فەیلی و سەندنەوەی ڕەگەزنامەی عێراقی و دەستبەسەرداگرتنی موڵک و سەروەت و سامانەکانیان.

ئەوەی پێویستە بیزانیت: ساڵی 2006 دوای ئەوەی کوردە فەیلییەکان توانییان ڕەگەزنامە بەدەستبهێنن، بەڵام ڕەگەزنامەکانیان ڕەنگێکی جیاوازتری لە عێراقییەکانی دیکە هەبوو کە وەک هاووڵاتییەکی بە ڕەگەز ئێرانی پێشان دەدران.