پەرلەمانتارێكی فەتح شوێنگرەوەی حەلبووسی ئاشكرا دەكات

ئاڤا نیوز

 

هەڵبژاردنی کەسێک بۆ جێگەکەی حەلبووسی نزیکە، پەرلەمانتارێکی فەتح دەڵێت "زۆرینەی فراکسیۆنەکان پاڵپشتیی سالم عیساوی دەکەن تاوەکو شوێنی سەرۆکی لەکارلادراوی پەرلەمان بگرێتەوە".

وێنە گەورەكە: بەهۆی سکاڵای پەرلەمانتارێک، پێنج مانگە دادگەی فیدراڵی عێراق بڕیاری دوورخستنەوەی محەممەد حەلبووسی لە پۆستی سەرۆکی پەرلەمان داوە، سەرەڕای بەڕێوەچوونی دوو دانیشتنی پەرلەمانی عێراق تا ئێستا هیچ کەسێک لە ناو سووننەکان دیارینەکراوە بۆ ئەوەی لەسەر کورسی سەرۆکایەتی پەرلەمان دابنیشێت.

لێدوانی فەرمی: موختار موسەوی، پەرلەمانتاری عێراق ڕایگەیاند: گفتوگۆ لەنێوان هێزە سیاسییەکان لە ئارادایە، بەمەبەستی  ئەنجامدانی دانیشتنێک بۆ هەڵبژاردنی سەرۆکی نوێی پەرلەمان.

بۆچی گرنگە: پۆستی سەرۆکی ئەنجوومەن پشکی سوننەیە؛ ئێستا نزیکەی سێ مانگ بەسەر  کۆتا دانیشتن تێپەڕیوە، هێشتا سوننەکان لەسەر یەکلایکردنەوەی بەربژێرێک بۆ شوێنگرەوەی محەممەد حەلبووسی ڕێکنەکەوتوون.