ئەمریكا دووەم وڵات لە ئەفریقا جێدەهێڵێت

ئاڤا نیوز  

وەزارەتی بەرگریی ئەمریکا، بڕیاری داوە لە چەند ڕۆژی ئایندە هێزەکانی لە وڵاتی چاد لە ئەفریقا بکشێنێتەوە.

وێنە گەورەکە: لە چەند ڕۆژی ڕابردوودا و لەسەر داواکاری نەیجەر، پێنتاگۆن بڕیاری دا هێزەکانی لەو وڵاتە بکشێنێتەوە، پاش ئەو بڕیارەش ئەمریکا بڕیارێكی دیكەی داوە هێزە سەربازییەکانی لە وڵاتی چاد دەكشێنێتەوە.

ڕێككەوتنەكە بەمشێوەیەیە: زیاتر لە 100 سەربازی ئەمریکا لە وڵاتی چادن، بڕیار وایە بە چەند قۆناغێک بکشێنرێنەوە، بەڵام سیستەمی بەرگری و مووشەکەکانیان لەو وڵاتە دەهێڵدرێنەوە.

لێدوانی فەرمی : جەنەڕاڵ پات ڕایدەر، گوتەبێژی پێنتاگۆن ڕایگەیاند: ''کشانەوەی هێزەکانمان لە چاد کاتییە و ڕەنگە دوای هەڵبژاردنی سەرۆکی ئەمریکا بگەڕێینەوە''.

ئەوەی پێویستە بیزانیت: ئەمریکا لەسەر داواکاریی حکومەتی چاد هێزی ناردووەتە ئەو وڵاتە، ئەوەش بۆ ڕووبەڕووبوونەوەی هێزە ''جیهادییەکان'' بووە.

 

وێنە گەورەكە: كشانەوەی هێزەكانی ئەمریكا لە ئەفریقا هاوكاتە لەگەڵ زیادبوونی هەژموونی ڕووسیا لەو كیشوەرە.