ئەندامێکی لیژنەی دارایی: ئەم هەفتەیە پارەکەی بەغدا بۆ مووچە دەگات

ئاڤا نیوز

 

ئەندامێکی لیژنەی دارایی لە ئەنجوومەنی نوێنەرانی عێراق ئاشکرای کرد، لەم هەفتەیە بەغدا پارەی مووچەی مانگی چواری مووچەخۆرانی هەرێمی کوردستان دەخاتە سەر هەژماری بانکی.

 

وێنە گەورەکە: نزیکەی هەفتەیەکە وەزارەتی دارایی و ئابووریی هەرێمی كوردستان، لیستی مانگی چواری مووچەی مووچەخۆرانی هەرێمی کوردستانی ڕەوانەی وەزارەتی دارایی حکومەتی عێراق کردووە و وردبینی بۆ لیستەکان تەواو بووە، لەم هەفتەیەدا دەست بە ناردنی پارەکە دەکرێت.

 

لێدوانی فەرمی: "وەزارەتی دارایی عێراق بە دوو بەش پارەکە دەخاتە سەر هەژماری بانکیی هەرێمی کوردستان و لەم هەفتەیەدا تەواوی پارەی مووچەی مانگی چواری مووچەخۆرانی هەرێمی كوردستان دەنێرێت." د. خەلیل دۆسکی، ئەندامی لیژنەی دارایی لە ئەنجوومەنی نوێنەرانی عێراق وای بە ئاڤا نیوز گوت.

 

لەلایەکی دیکەوە: ئەمڕۆ شاندێکی وەزارەتی دارایی و ئابووریی هەرێمی کوردستان، لە بەغدا لەگەڵ هاوتاکانیان لە وەزارەتی دارایی عێراق کۆ بوونەوە، پرسی دارایی و ڕوونکردنەوە لەسەر داهاتی نانەوتیی هەرێمی کوردستان گفتوگۆی لەسەر کرا.