بەشێکی دیکەی پەنابەرانی کەمپی هۆڵ دەگەڕێنرێنەوە عێراق

ئاڤا میوز

 

حکومەتی عێراقی بەشێکی دیکەی ئاوارەکانی کەمپی هۆڵ کە تایبەتە بە خێزان و منداڵانی ئەندامانی ڕێکخراوی داعش لە سووریا دەگەڕێنێتەوە عێراق.

 

ڕاگەیێنراوی فەرمی: سەرچاوەیەکی ئەمنیی عێراقی بە ڕۆژنامەی "ئەلعەرەبی جەدید"ـی ڕاگەیاندووە، تیمێکی عێراقیی پسپۆڕ سەرپەرشتیی گواستنەوەی ئاوارەکان دەکەن و لە سەرەتادا لە کەمپی جەدعە لە باکووری مووسڵ نیشتەجێ دەکرێن.

 

ژمارەکان وا دەڵێن: 200 خێزان کە لە 700 کەس پێکهاتوون بە ڕێگەی وشکانی دەگوازرێنەوە.

 

لەلایەکی دیکەوە: بۆ ماوەی شەش مانگ لە کەمپ بەرنامەی چاکسازیی دەروونی و کۆمەڵایەتییان بۆ دەکرێت دوای ئەوە دەگوازرێنەوە ناوچەکانی خۆیان.

 

ئەوەی پێویستە بیزانیت: حکومەتی عێراق تاوەکو ئێستا 200 خێزان (8 هەزار کەس)ـی لەو کەمپەوە گواستووەتە نێوخۆی عێراق.