دادگەی فیدراڵی، دادبینی بۆ دوو سکاڵای پەیوەست بە هێزەکانی هاوپەیمانان دەکات

ئاڤا نیوز

 

دادگەی فیدراڵی، دادبینی بۆ دوو سکاڵا دەکات کە داوای دەرکردنی هێزەکانی هاوپەیمانان و قەرەبووی حکومەتی عێراق دەکەن.

 

وێنە گەورەکە: شیعە داوای دەرکردنی هاوپەیمانان لە عێراق دەکات و دوو پەرلەمانتاریان لە دادگەی فیدراڵی لەسەر مانەوەی هێزەکانی هاوپەیمانان و ڕادەستکردنی بارەگاکانیان سکاڵایان تۆمار کردووە.

 

زانیاریی بەدەستهاتوو: بەگوێرەی خشتەی کۆبوونەوەکانی ئەمڕۆی دادگەی فیدراڵیی، سکاڵای یەکەم لە لایەن باسم خەشان، ئەندامی ئەنجوومەنی نوێنەرانی عێراق تۆمار کراوە، داوای کردووە هێزەکانی هاوپەیمانان لە عێراق بچنە دەرەوە و قەرەبووی بەکارهێنانی ئەو شوێن و دامەزراوانە بکەنەوە کە چەند ساڵە لێی دەمێننەوە.

 

زانیاریی زیاتر: سکاڵای دووەم مستەفا سەنەد، ئەندامی ئەنجوومەنی نوێنەرانی عێراق تۆماری کردووە لەسەر هەڵوەشاندنەوەی بڕیارێکی پێشووی حکومەتی عێراق بۆ مانەوەی هێزەکانی ئەمریکا و ڕادەستکردنی  شوێنەکانیان بە هێزە ئەمنییەکانی عێراق. 

 

ئەوەی پێویستە بیزانیت: سەرۆکوەزیرانی عێراق لە واشنتن، پرسی کشانەوەی هێزەکانی هاوپەیمانانی یەکلا کردەوە و گوتی، "هیچ هێزێکی شەڕکەر نەماوە تاوەکو بکشێتەوە."