هادی عامری: تەوتینکردنی مووچەخۆرانی کوردستان چارەسەر دەکرێت

ئاڤا نیوز 

 

هەوڵەکانی هەولێر و بەغدا بۆ گەیشتنە چارەسەر لەبارەی چۆنیەتی دابەشکردنی مووچەی مووچەخۆرانی کوردستان بەردەوامە و سەرۆکی ڕێکخراوی بەدریش دەڵێت، بەزوویی چارەسەر بۆ ئەو بابەتە دەدۆزرێتەوە.

 

لێدوانی فەرمی: هادی عامری، سەرۆکی ڕێکخراوی بەدر ڕایگەیاند: دوای بڕیارەکەی دادگەی فیدراڵی بابەتی تەوتینکردنی مووچەخۆرانی هەرێمی کوردستان کۆتایی هاتووە، بەڵام لەسەر شێواز و چۆنیەتی تەوتینکردنەکە ماوەتەوە و پشت بە خوا چارەسەری بۆ دەدۆزرێتەوە.

 

لەلایەکی دیکەوە: شاندێکی حکومەتی هەرێمی کوردستان ئێستا لە بەغدایە لەگەڵ بەرپرسانی عێراق گفتوگۆ لەبارەی پرسی مووچە و پڕۆژەی هەژماری من دەکەن.

 

ئەوەی پێشبینی دەکرێت: بڕیارە دادگەی فیدراڵی ڕاستکردنەوەیەک بۆ چۆنیەتی تەوتینکردنی مووچەخۆرانی هەرێمی کوردستان دەربکات و بەمەش مووچەخۆران دەتوانن بانکی دڵخوازی خۆیان هەڵبژێرن.