هەفتەی داهاتوو سەرۆکی نوێی ئەنجوومەنی نوێنەرانی عێراق هەڵدەبژێردرێت

ئاڤا نیوز

 

هەفتەی داهاتوو سەرۆکی نوێی ئەنجوومەنی نوێنەرانی عێراق هەڵبژێردرێت، چوارچێوەی هەماهەنگیش پشتگیری خۆی بۆ بەربژێری ئەو پۆستە پیشانداوە.

 

لێدوانی فەرمی: لە کۆبوونەوەی ئەمڕۆی چوارچێوەی هەماهەنگی گەیشتوون بەو دەرئەنجامەی جارێکی دیکە دەرگای خۆ بەربژێرکردن بۆ سەرۆکایەتی ئەنجوومەنی نوێنەران نەکرێتەوە، هاوکات بچنە گەڕی دووەم بۆ هەڵبژاردنی سەرۆکی ئەنجوومەن پێش کۆتاییهاتنی خولی یاسادانان. سەرچاوەیەکی سیاسی ئاگادار ئەمەی بە میدیای عێراق ڕاگەیاندووە.

 

زانیاریی زیاتر: لە کۆبوونەوەکە دا ڕەزامەندی درا لەسەر ئەوەی هەفتەی داهاتوو دانیشتن بکرێت دەنگ بە "سالم عیساوی" بدەن بۆ سەرۆکی ئەنجوومەن.

 

ئەمەش بزانە: لایەنە سوننەکان سێ بەربژێریان هەبوو، "شەعلان کرەیم، لە پارتی تەقەدووم و سالم عیساوی، لە هاوپەیمانیی سەروەری و مەحموود مەشهەدانی، لە هاوپەیمانیی عەزم".

 

باکگراوند: ڕۆژی 13-01-2024، دانیشتنی ئەنجوومەنی نوێنەرانی عێراق بۆ هەڵبژاردنی سەرۆکێک بەڕێوەچوو. دوای دوو دانیشتن لەو ڕۆژەدا و بەڕێوەچوونی گەڕی یەکەمی هەڵبژاردن هیچ یەکێک لەو سێ بەربژێرە دەنگی پێویستیان نەهێنا.