نەتەوە یەکگرتووەکان: سێ هەڕەشە هێشتا لەسەر عێراق ماون

ئاڤا نیوز

نوێنەرایەتی نەتەوەیەکگرتووەکان لە عێراق، یۆنامی هەڵسەنگاندنی بۆ کارەکانی لە 20 ساڵی ڕابردوودا لە عێراق کردووەو دەڵێت، هێشتا  سێ هەڕەشە ماون لەسەر عێراق.

 

وێنە گەورەکە:  حزبە کوردی و سونییەکان هێشتا متمانەی کەمیان بە دامەزراوەکانی دەوڵەت هەیە و بەدوای گرەنتیکاری دەرەکیدا دەگەڕێن بۆ بەدەستهێنانی مافەکانیان، یۆنامی وەکو  ئەو لایەنە گرەنتیکارە سەیر دەکەن.

 

راگەیێنراوی فەرمی : نوێنەرایەتی نەتەوەیەکگرتووەکان لە عێراق رایگەیاند، ئەگەر  یۆنامی بۆ هەمیشە لە عێراق بمێنێتەوە  هەموو شتێک ناکات، بەرپرسیاریێتی دەکەوێتە سەر ئەستۆی دامەزراوەکانی عێراق، سەرەڕای ئەوەی ئەنجوومەنی ئاسایشی نێودەوڵەتی پێویستە هەمیشە ئامادەبێت بۆ هاوکاریکردنی عێراق.

ئەوەی لەبارەیەوە دەگوترێت: ئەگەر سەرکردایەتی عێراق وا دەبینێت کە پێویستی بە هاوکاری یۆنامی نەماوە، پێویستە خۆی ئامادە بکات بۆ گرتنە دەستی کارەکان، لەسەر نەتەوەیەکگرتووەکانیش پێویستە  ئامادەبێت بۆ هاوکاریکردنی عێراق.

زانیاریی زیاتر: پێویستە نەتەوەیەکگرتووەکان بەردەوام بێت لەپشتیوانیکردنی ئەو دۆخەی لەنێوان عێراق و کوێت هەیە، ئەوەش پێویستی بە بارەگایەکی هەرێمیی لە کەنداو هەیەو ئەنجوومەنی ئاسایش نوێنەری تێدا هەبێت.