ئیسرائیل ڕەشبینە بەرامبەر بە ئاگربەست لە غەززە

ئاڤا نیوز

 

ئیسرائیل ڕەشبینە بەرامبەر بە ڕاگەیاندنی ئاگربەست لەلایەن حەماس و دەڵێت، لەو باوەڕەدا نین حەماس بە ئازادكردنی بارمتەكان ڕازی ببێت.

 

وێنە گەورەكە: سێ ڕۆژە وەزیری دەرەوەی ئەمریكا لە ڕۆژهەڵاتی ناوەڕاستە و دوو ڕۆژە لە ئیسرائیلە، داوا لە حەماس دەكات بە ئاگربەست ڕازی ببێت و ئیسرائیلیش ڕەشبینە بە ئاگربەستەكە.

 

ئەوەی ئێستا ڕوودەدات: كۆبوونەوە و فشارەكان بۆ ئاگربەست بەردەوامن؛ وڵاتانی عەرەبی، ئەوروپا و ئەمریكا لەسەر هێڵن لەگەڵ ئیسرائیل و حەماس بۆ ئاگربەست، بەڵام هیچ ئاسۆیەك نییە بۆ جێبەجێكردن.

 

ڕاگەیێنراوی فەرمی: دەزگەی پەخشی ئیسرائیل دەڵێت: "نەتانیاهۆ بە بلینكینی گوتووە چاوەڕوانی وەڵامی حەماسن، بەڵام ڕەشبینن لەوەی حەماس ڕازی بێت بە ئازادكردنی دیلەكان".