وەزارەتی شارەوانی وەڵامی داواکارییەکی هاونیشتمانیان دەداتەوە

ئاڤا نیوز

 

وەزارەتی شارەوانی و گەشتوگوزار ڕایگەیاند، بەمەبەستی نۆژەنکردەنەوەی شەقامەکانی گەڕەکی هەولێری نوێ گوژمەی زیاتر لە ملیارێک و 489 ملیۆن دینار خەرج دەکرێت.

 

وێنە گەورەکە: هاونیشتمانیانی گەڕەکی هەولێری نوێ گلەیی زۆر لە دۆخی ڕێگەوبانەکانیان دەکەن، کە چاڵوچۆڵی زۆر دروستبووە و قیڕی شەقامەکان کەڵکیان نەماوە.

 

ڕاگەیێنراوی فەرمی: وەزارەتی شارەوانی و گەشتوگوزار ڕایگەیاند، لەسەر ڕێژەی 15%ـی داهاتی سەرۆكایەتیی شارەوانیی هەولێر ڕەزامەندی نیشان دا لەسەر خەرجكردنی گوژمەی زیاتر لە ملیارێک و 489 ملیۆن دینار بۆ جێبەجێكردنی چەند پڕۆژەیەكی قیڕتاوكردنی پێنج شەقامی 30 مەتری لە گەڕەكی هەولێری نوێ لە پارێزگای هەولێر.

 

ئەوەی پێویستە بیزانیت: ئەو پێنج شەقامە 30 مەترییە كەوتوونەتە چەند شوێنێكی جیاوازی گەڕەكی هەولێری نوێ؛ بە دوو قۆناغ جێبەجێ دەکرێن و شەقامەکان نۆژەن دەکرێنەوە.