دەوڵەتی یاسا بەربژێرێک بۆ پۆستی پارێزگای دیالە دەستنیشان دەکات

ئاڤا نیوز 

 

بەهۆی پێکنەهاتنی شیعە لەسەر دانانی بەربژێرێک بۆ پۆستی پارێزگاری دیالە، دواجار دەوڵەتی یاسا کە خاوەنی یەک کورسیی ئەنجوومەنی پارێزگاکەیە، بەفەرمی بەربژێری خۆی بۆ ئەو پۆستە پێشکەش کرد.

 

بۆچی گرنگە: زیاتر لە چوار مانگ بەسەر هەڵبژاردنی ئەنجوومەنی پارێزگاکانی عێراق تێپەڕیوە و بەهۆی ناکۆکیی سوننە و شیعە و ڕێکنەکەوتنی ناوخۆی شیعە تاوەکو ئێستا پارێزگارێک بۆ پارێزگای دیالە هەڵنەبژێردراوە.

 

نووسراوی فەرمی: نووری مالیکی، سەرۆکی هاوپەیمانیی دەوڵەتی یاسا لە نووسراوێکدا بەفەرمی "د. خەلیفە ئیبراهیم تەمیمی" وەک بەربژێری دەوڵەتی یاسا بۆ پۆستی پارێزگاری دیالە بەربژێر کرد.