گەنمی جووتیارانی هەرێمی کوردستان بە هەمان نرخی جووتیارانی عێراق وەردەگیرێت

ئاڤا نیوز

 

بەڕێوەبەری گشتیی کۆمپانیای بازرگانیی دانەوێڵە ئاماژە بەوەدەدات، پێش دەستپێکردنی وەرزی وەرگرتنی گەنم، ئەو بڕەی لە جووتیارانی هەرێمی کوردستان وەردەگیرێت دیاری دەکرێت.

 

وێنە گەورەکە: شاندێکی وەزارەتی کشتوکاڵی عێراق بەمەبەستی هەڵسەنگاندن بۆ جۆر و ڕووبەری داچێنراو بە گەنم، سەردانی هەرێمی کوردستانیان کرد و ڕاپۆرتی هەڵسەنگاندنەکەیان داوەتە لیژنەی باڵای وەرگرتنی گەنم.

 

لێدوانی فەرمی: حەیدەر نوری، بەڕێوەبەری گشتیی کۆمپانیای بازرگانیی دانەوێڵەی عێراق بە ئاڤا نیوزی گوت: "گەنمی جووتیارانی هەرێمی کوردستان بە هەمان نرخی جووتیارانی عێراق وەردەگیرێت".

 

ئەمەش بزانە: پرۆسەی وەرگرتنی گەنمی جووتیاران لە 25-05-2024 دەستپێدەکات؛ هەفتەی داهاتوو شاندێکی وەزارەتی کشتوکاڵ سەردانی بەغدا دەکات بۆ ئەوەی پێش دەستپێکردنی ئەو وادەیە بڕی گەنمی وەرگیراو لە جووتیارانی هەرێمی کوردستان یەکلایی بکەنەوە.