ئێران پێنج دامەزراوە و حەوت کەسایەتیی ئەمریكی سزا دەدات

ئاڤا نیوز

 

بەتۆمەتی پشتیوانیكردنی ئیسرائیل دژی حەماس، ئێران پێنج دامەزراوە و حەوت کەسایەتیی ئەمریكی سزادا.

 

وێنە گەورەكە: ئێران لیستێكی ئامادە كردووە، پێكهاتووە لە حەوت كەسایەتی و پێنج دامەزراوەی ئەمریكی كە هاوكاری سەربازیی ئیسرائیلیان كردووە لە شەڕەکانی لەگەڵ حەماس لە كەرتی غەززە و هەموویانی سزاداوە.

 

ڕاگەیێنراوی فەرمی: وەزارەتی دەرەوەی ئێران ڕایگەیاند: "کلیفۆرد مەی، سەرۆکی دامەزراوەی بەرگری لە دیموکراسی، جەیسۆن گرینبلات، ڕاوێژکاری باڵای دۆناڵد ترەمپ، براد کوپەر، فەرماندەی بەلەمی پێنجەمی هێزی دەریایی ئەمریکا و کۆمپانیاکانی جەنەراڵ داینامیکس، سکایدیڤ و شیڤرۆن سزادراون".

 

ئەمەش بزانە: بەپێی ئەو سزایانەی كە ئێران دەریکردوون، هیچ لایەنێك ناتوانێت بازرگانی و کار لەگەڵ ئەو دامەزراوە و کەسایەتییە ئەمریکییانە بکات.